كاسل الحضارة والتراث Written by  شباط 25, 2021 - 95 Views

كلمة “شلق” فى مصر القديمة

Rate this item
(0 votes)

بقلم الأثارية:سهيلة عمر الرملى

السيدة المصرية معروفة طبعا بهدؤها و رقتها إلى حين يستفزها أحدهم يخرج اسوء ما فيها و يقول عليها شلق و لكن ما تعنى شلق

حين نجد سيدة تصيح او بمعنى اصح( بتردح )نقوم بنعتها شلق كلمه شلق كلمه مصريه قديمه ظهرت فى العصر القبطى و جايه شلاك يعنى بتمط الكلام يعنى منفعلة  و كانت السيدة الشلق كانت المصريين القدماء اسمها نس وسرت يعنى قويه اللسان 

(أوباش )كما قال فارس السنيما احمد مظهر  كلمه اوباش ظهرت فى العصر القبطى

و معناها صعاليك و ناس عديمة الأهمية

(سفخص عليك) مصطلح شعبى شهير نستخدموا كثيرا فى حالات العصبية الكلمه مكونه من جزئين (سفخ) و تعنى رقم 7 و (اخص) يعنى لعنه و المقصود بيها السبع لعنات اللى كانت بتكتب على ابواب المقابر الملكيه زى مقبره الملك توت عنخ امون لتحمي المقبره من الشرور يعنى معناها سبع لعنات عليك

-عند مقابلة شخص حسود لك و بيتسبب حسده فى حادث لك تنعنه (بغراب البين)

و كلمة بين فى اللغه المصريه معناها شر

عندما تكون ثائر ضد شخص ما و تقول (اه بس لو امسكه ابن الأيه) كلمه ايه فى اللغه القبطيه يعنى بقره او عجل و جايه إح المصريه القديمه يعنى عجل و إحت لو بقره يعنى معاهنا لو مسكتك يابن البقره

و طبعا لا نقدر أن ننسى كلمات ست الحبايب  زي يا مدهول او مدهوله على حسب و الكلمه ديه أتية من الكلمه القبطيه متاهول و معناها مهمل او غير مرتب و يا موكوس اللى جايه من كلمه مصريه قديمه ( تى اوكوس) يعنى ادفن نفسك و المقصود بيها حس بخيبتك

من نحن

  • مجلة كاسل الحضارة والتراث معنية بالآثار والحضارة وعلوم الآثار والسياحة على المستوى المحلى والإقليمى والدولى ونشر الأبحاث المتخصصة الأكاديمية فى المجالات السابقة
  • 00201004734646 / 0020236868399
  • عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.